"ङला दाङ ङिराङ माटो"
ख्यारे ङला ल्हाने इन्दे, ङला दाङ ङिराङ माटो ।
सेम ख्य्वार्ला राङ छ्यने इन्दे, ङला दाङ ङिरङ माटो ।
थालमी ङिमा ख्य्वार्ला थोङ्सुङ, मिक्ला मिक तासुङ ।
ख्य्वारोङ छसे जेमु नोक सिन, दाल्जी टेङ्गी सासुङ ।
ङिग्न्जे ल्हाक्पा माने इन्दे, ङला दाङ ङिराङ माटो ।
सेम ख्य्वार्ला राङ छ्यने इन्दे, ङला दाङ ङिरङ माटो ।
ख्य्वारोङ सिन मि जेमुती, जम्बुलिङ ला खनिङ
म्याथओङ।
ख्य्वार्ल ठेउ ङिमा ने ज्युङ, यम्ब ल्हाप्की सेमराङ
माच्युङ ।
ङ गा लङ्गी साने इन्दे, ङला दाङ ङिराङ माटो ।
सेम ख्य्वार्ला राङ छ्यने इन्दे, ङला दाङ ङिरङ माटो ।
ख्युङ्ला ल्हानी जम्बुलिङ ला, मिमाङ बङी जा
लङ्गिनोक ।
ख्य्वेर ङिन्मा क्या ल्हासिनाङ, ङला छसे गा
लङ्गिनोक ।
मिक्ला मिक्च्युर बाने इन्दे, ङला दाङ ङिराङ माटो ।
सेम ख्य्वार्ला राङ छ्यने इन्दे, ङला दाङ ङिरङ माटो ।
ख्य्वेर चाला देसिङ ङला, खानि खानि तोरु नासम ।
सेमराङ मेन्दु साप थुङुला, नुपकी ङि तोर्सुङ तासम ।
मिलाम नाङ्ला वाने इन्दे, ङला दाङ ङिराङ माटो ।
सेम ख्य्वार्ला राङ छ्यने इन्दे, ङला दाङ ङिरङ माटो ।
किर्मु इन दुक्पा इन्सिङ, ख्य्वारे मुला देइँदे लासुङ ।
मिजी यम्बा लङ्गु सोङ्सिङ, ख्य्वारे चाला केइँदे लासुङ ।
पुका ख्य्वारे ख्याने इन्दे, ङला दाङ ङिरङ माटो ।
सेम ख्य्वार्ला राङ छ्यने इन्दे, ङला दाङ ङिरङ माटो ।
पेम्बा शेर्पा सहयात्री गोले
गोलि , सोलुखुम्बु ।
No comments:
Post a Comment