शेर्पा विद्यार्थी मञ्चले गर्यो पत्रकार सम्मेलन !

शेर्पा ई-निउज , । चैत्र ६ गते दिउँसो ३ बजेबाट शुरु हुने
‘शेर्पा लोसार साँझ’ कार्यक्रमबारे जानकारी दिन
पत्रकार सम्मेलन आयोजना भएको छ । नेपाल शेर्पा
विद्यार्थी मञ्चले राजधानीमा पत्रकार सम्मेलन आयोजना गरि साँझको बारेमा जानकारी दिए ।
पर्यटनबोर्डमा आयोजित पत्रकार सम्मेलनमा कार्यक्रमबारे औचित्य पुष्टि गर्दै मञ्चका अध्यक्ष निमा दोर्जी शेर्पाले कार्यक्रमले शैक्षिक जगतमा शेर्पा समुदायको उपस्थिती वृद्धि गराउने बताए । हिमालयन शेर्पा सांस्कृतीक केन्द्रका अध्यक्ष लाक्पा शेर्पाले लोसारको वारेमा प्रष्ट पारे । नेपाल शेर्पा संघका महासचिव ङावाङ सोनाम शेर्पाले लोसार वारे छाएको अन्यौलता वारे प्रष्ट पारे । तिथिमितिको विषयमा राज्य चुकेको उनले वताए । मञ्चका महासचिव आङ दोर्जे शेर्पाले सञ्चालन गरेको कार्यक्रममा बरिष्ठ उपाध्यक्ष साङ्गे मिङमा शेर्पाले प्रस्तुत गरेको विज्ञप्तिको पूर्णपाठः
‘भाषा, धर्म, कला, संस्कृती र परम्परालाई संरक्षण
सम्बद्र्धन गर्ने हाम्रो दायित्व ।’
बक्तव्य
उपस्थित पत्रकार मित्रहरु,
मुलुक संविधान जारी भई कार्यान्वयनको अवस्थामा छ ।
संविधानले सवै धर्मलाई समान दृष्टिले हेर्ने निधो गरेको
अवस्थामा धार्मिक सहिष्णुता, जातीय सद्भाव, आपसी
भाइचाराको नातालाई अझ प्रगढ बनाउनु पर्दछ । संघात्मकरुपमा मुलुकको पुनः संरचना हुँदै गर्दा जातीय पहिचान र स्वाधिनताका कुराहरु उठिरहेका छन् । विशेषता जातिको भाषा, संस्कार, संस्कृती, परम्परागत मान्यता, कला र लिपीलाई जोगाउँदै यसको सम्बद्र्धन प्रबद्र्धनमा अघि बढ्नु पर्ने आवश्यकता हाम्रो सामु छ ।
यसै सन्दर्भमा शेर्पा समुदायले २१४३ औं मे फो टे लो नयाँ बर्षको अवसरमा ग्याल्पो लोसार भव्य रुपमा मनाइरहेको छ । यस बर्ष माघ २६ मै तिथी अनुसार लोसार परेको भएपनि सरकारी पात्रोमा भने फाल्गुन २६ इंगित गरेको छ ।
ग्याल्पो लोसार तिथीदेखि एक महिनाभित्र मान्ने
संस्कार अनुसार हाम्रो सगठन नेपाल शेर्पा विद्यार्थी
मञ्चले पनि लोसारकै अवसरमा शेर्पा लोसार साँझ
कार्यक्रम आयोजना गर्ने तय भएको छ । मञ्चको स्थापना कालदेखि नै यो कार्यक्रम भाव्यताका साथ एवं रितले मान्दै, कार्यक्रम आयोजना गर्दै आएको व्यहोरा
सर्वविधितै छ । आगामी चैत्र ६ गते आर्मी अफिर्सस् क्लव भद्रकालीमा हुनेकार्यक्रममा विभिन्न सांगीतिक प्रस्तुतीका साथमा छात्रवृत्ति वितरण, कृतिमानी व्यक्तिहरुलाई सम्मान, शुभकामना आदनप्रदान, विभिन्न परम्परागत मौलिकता वोकेको शेर्पा सांस्कृतीक प्रस्तुतीहरु रहने छ ।
आयोजना हुने लोसार साँझ कार्यक्रम आफैमा एक पृथक संस्कृती वचाउन अभियान हो । भाषा, कला, लिपी,संस्कार, संस्कृती र परम्परागत मान्यतालाई स्थापित गराउँदै समुदाय, जाति–जातिवीच अधिमकालदेखि रही आएको सम्वन्धलाई अझ स्थापित गर्ने कार्यक्रमको देय रहेको छ ।
समुदायमा आर्थिक, सामाजिक, सांस्कृतीक, राजनैतिकसँगै शैक्षिक जागरण समेत ल्याउन सांस्कृतीक कार्यक्रमले नै ठूलो भूमिका खेल्न सक्ने तथ्यलाई हृदायांगम गर्दै लोसार साँझ कार्यक्रम आयोजना गरिएको छ ।
शेर्पा जातिको पहिचानलाई स्थापित गराउँदै समाज
रुपान्तरण, सामाजिक मूल्य मान्यतालाई स्थापित गराउने,शिक्षित समाजको परिकल्पना सहित शिक्षामा समान अवसर प्राप्त गर्न समेत कार्यक्रमले मद्दत पुग्ने हामीले विश्वास लिएका छौं । शेर्पा लगायत विभिन्न समुदायको प्रबुद्ध व्यक्तित्वहरुको उपस्थिती रहने कार्यक्रमले समय सापेक्ष रुपान्तरणका लागि वहस पैरवीको मार्ग समेत प्रसस्त हुने छ । राष्ट्रियस्तरका ख्याती प्राप्त कलाकारहरुको प्रस्तुतीले कलाजगतको श्रीवृद्धिमा र आम युवा, विद्यार्थीहरुलाई कलाकारितामा लाग्न समेत प्रेरणा मिल्ने छ । कार्यक्रममा सहभागिहरुलाई फर्कन यातायातको व्यवस्था समेत छ ।। कार्यक्रममा १ हजार भन्दा बढीको सहभागि रहने र कार्यक्रममा सहभागि भई कार्यक्रमका वारेमा आवश्यक समाचार तपाईहरुको लोकप्रिय सञ्चारमाध्यम मार्फत संप्रेशन गरी सहयोग
गरीदिनु हुन यसै विज्ञप्ति मार्फत अपिल गर्दछौं ।